კავკასიის ბიზნესსკოლამ ახალი ფაკულტეტი გახსნა
10 თებერვალი, 2010
368
print

კავკასიის ბიზნესსკოლა აბიტურიენტებს მნიშვნელოვან სიახლეს სთავაზობს.

“თიბისი ბანკის” სათაო ოფისში ბიზნესსკოლის ხელმძღვანელობამ გუშინ ღია კარის დღე მოაწყო, სადაც აბიტურიენტებს მათთვის საინტერესო ყველა კითხვაზე შეეძლოთ პასუხის მიღება... უახლოეს მომავალში მსგავსი ტიპის შეხვედრები საქართველოს სხვადასხვა რეგიონებშიც გაიმართება.

აღსანიშნავია, რომ 2009 წლის სექტემბრიდან კავკასიის ბიზნესსკოლაში გადასახადის საფასური გაიზარდა. იქ სწავლის მსურველთათვის მაქსიმალური გადასახადი 9900 დოლარით განისაზღვრა. ალბათ, ესეც იყო ერთ-ერთი მიზეზი იმისა, რომ 2009 წელს კავკასიის ბიზნესსკოლამ ყველაზე მცირე კონტინგენტი მიიღო. გასულ წელს ბიზნესსკოლაში 500 ადგილზე 200 სტუდენტი ჩაირიცხა. კავკასიის უნივერსიტეტის პრეზიდენტი კახა შენგელია აცხადებს, რომ სწავლის მაქსიმალური გადასახადი 9900 დოლარი 2010 წლიდან 7500 დოლარამდე, ანუ იმ ნიშნულამდე შემცირდება, რომელიც 2009 წლამდე იყო. კავკასიის ბიზნესსკოლაში 2010 წლისთვის მინიმალური გადასახადი - 4500 დოლარი ტურიზმის სპეციალობაზე იქნება. “ეკონომიკური კრიზისი და რუსული აგრესია ამ ბიზნესსაც შეეხო... ბაზარზე არსებული მდგომარეობიდან გამომდინარე, გადასახადის ღირებულების შემცირების შესახებ გადაწყვეტილება მივიღეთ. წინასწარ ვერ გეტყვით, ეს პროცესი როდემდე გაგრძელდება. ჩვენ დავაკვირდებით ეკონომიკის ზრდის ტემპებს, მოსახლეობის მსყიდველუნარიანობას და მომავალში სწავლის საფასურის გაზრდის თაობაზე გადაწყვეტილებას ამის შედეგად მივიღებთ... მინდა გითხრათ, რომ სწავლის საფასური არა მარტო წელს ჩასარიცხ კონტინგენტს, არამედ იმ სტუდენტებსაც შეუმცირდებათ, რომლებიც კავკასიის ბიზნესსკოლის სტუდენტები გასულ წელს გახდნენ,” - აღნიშნა “24 საათთან” საუბრისას კავკასიის უნივერსიტეტის პრეზიდენტმა კახა შენგელიამ.

წელს პირველად კავკასიის ბიზნესსკოლა ბათუმში ახალ - კავკასიის ტურიზმის სკოლას გახსნის, სადაც სტუდენტები ორ ახალ სპეციალობას დაეუფლებიან. ეს არის ტურიზმის მენეჯმენტი და საერთაშორისო ბიზნესი. “ამ ორი სპეციალობის შესწავლა მხოლოდ ბათუმში იქნება შესაძლებელი... ეს გადაწყვეტილება მრავალი ფაქტორიდან გამომდინარე მივიღეთ. საქართველოს მასშტაბით აჭარაში ტურიზმის ყველაზე დიდი ცენტრია. იქ საჭიროა მაღალკვალიფიციური კადრები. ვფიქრობთ, რომ ამ მხრივ კავკასიის ტურიზმის სკოლა მნიშვნელოვან როლს შეასრულებს,” - ამბობს კახა შენგელია.

სხვა სიახლეები
02 ივლისი, 2015 თბილისის სამედიცინო სასწავლო უნივერსიტეტი ,,ჰიპოკრატე“
09 მარტი, 2015 კასტური სისტემა საქართველოს სასკოლო სივრცეში
22 დეკემბერი, 2014 სს გეს „საქრუსენერგო“ გიწვევთ ფასთა გამოკითხვის (კონკურსის) პროცედურაში მონაწილეობის მისაღებად
22 დეკემბერი, 2014 ს.ს.ი.პ. ,,ქალაქ ბათუმის №25 საჯაროსკოლა”აცხადებსსაჯაროაუქციონს
09 ივნისი, 2014 საქართველოს ეროვნული უნივერსიტეტი სეუ
11 აპრილი, 2014 სკოლა და პოლიტიკა
18 მარტი, 2014 სამართალ-უსამართლობა და განათლება
27 ივნისი, 2013 ახა­ლი მე­თო­დო­ლო­გია სა­ჯა­რო სკო­ლებ­ში
22 ივნისი, 2013 კავ­კა­სი­ის ტექ­ნო­ლო­გი­ე­ბის სკო­ლა
23 მაისი, 2013 კავ­კა­სი­ის ბიზ­ნე­სის სკო­ლა - ფარ­თო შე­საძ­ლებ­ლო­ბე­ბის სამ­ყა­რო