საგანმანათლებლო რევოლუცია
17 აგვისტო, 2010
531
print

პროგრამა "ასწავლე და ისწავლე საქართველოსთან ერთად" ფარგლებში საქართველოში ინგლისური ენის მოხალისე მეორე ნაკადი - ორმოცდაჩვიდმეტი პედაგოგი - ამერიკის შეერთებული შტატებიდან, კანადიდან და ევროპის სხვადასხვა ქვეყნებიდან ჩამოვიდა. 102 უცხოელი გურიაში, სამეგრელოსა და აჭარაში ქართულ ოჯახებში გადანაწილდებიან.

პედაგოგთა მესამე ნაკადი 30 აგვისტოსთვის უნდა ჩამოვიდეს. წლის ბოლომდე საქართველოში სულ 1000 პედაგოგი ჩამოვა.

ინგლისურენოვან პედაგოგთა მეორე ნაკადს პრეზიდენტი მიხეილ სააკაშვილი შეხვდა და 2010-2011 სასწავლო წლისათვის 1000 უცხოელი მოხალისეს ჩამოყვანა, რომელთა მშობლიური სასაუბრო ენაც ინგლისურია და რომლებიც სკოლებში ინგლისური ენის მასწავლებლებად იმუშავებენ - დავით აღმაშენებლის მიერ ყივჩაღების გადმოსახლებას შეადარა. "როგორც თავის დროზე დავით აღმაშენებელმა ჩამოიყვანა 50 000 ყივჩაღი და საქართველოს სახელმწიფოს მოდერნიზაციამ მიიღო შეუქცევადი ხასიათი, ზუსტად ამ მასშტაბის მოვლენაა შემდეგი 3 წლის განმავლობაში 10 ათასი ინგლისურის მასწავლებლის ჩამოყვანა მთელი საქართველოს მასშტაბით - იმ საქართველოსი, რომელსაც საქართველოს მთავრობა დღეს აკონტროლებს. თუ აღმაშენებლის დროს კონკურენტუნარიანობა იზომებოდა, ძირითადად, სამხედრო კრიტერიუმებით, დღეს სამხედრო არის ერთ-ერთი, მაგრამ მთავარი კრიტერიუმი არის განათლება. ის, რასაც ჩვენ ვაკეთებთ საქართველოში, რასაც გავაკეთებთ შემდეგი წლების განმავლობაში, ეს არის ნამდვილი საგანმანათლებლო რევოლუცია და მსგავსი არაფერი გაუკეთებია არც ერთ პოსტ-საბჭოთა ქვეყანას," - განაცხადა სააკაშვილმა ბათუმში, "ასწავლე და ისწავლე საქართველოსთან ერთად" პროგრამის მონაწილეებთან შეხვედრისას.

პრეზიდენტის განმარტებით, მომდევნო 4 წლის განმავლობაში ყველა ქართველი ბავშვი, 5 წლის და უფრო უფროსი, გახდება ინგლისურენოვანი. ანუ, ქართულის შემდეგ მათი მეორე ენა იქნება ინგლისური. "ამას მოყვება ის, რომ შემდგომ ეტაპებზე, გათვალისწინებით დღევანდელი მოთხოვნებისა, მათი შემდგომი ენები იქნება ჩინური, რეგიონის გათვალისწინებით არაბული და თურქული, რუსული, მაგრამ პირველი, მთავარი, მინიმალური მოთხოვნა ეს არის, რომ საქართველოში მცხოვრები ყველა ბავშვი, 5 წელზე უფროსი ასაკის და 16 წლის ჩათვლით, შემდგომ რამოდენიმე წელიწადში იქნება ინგლისურენოვანი და კომპიუტერის სრული მფლობელი. მე მიმაჩნია, რომ ყივჩაღების შემდეგ ასეთი დიდი გარღვევა საქართველოს არ ექნება, თუ ამას სწორად გავაკეთებთ," - განაცხადა მიხეილ სააკაშვილმა.

სხვა სიახლეები
02 ივლისი, 2015 თბილისის სამედიცინო სასწავლო უნივერსიტეტი ,,ჰიპოკრატე“
09 მარტი, 2015 კასტური სისტემა საქართველოს სასკოლო სივრცეში
22 დეკემბერი, 2014 სს გეს „საქრუსენერგო“ გიწვევთ ფასთა გამოკითხვის (კონკურსის) პროცედურაში მონაწილეობის მისაღებად
22 დეკემბერი, 2014 ს.ს.ი.პ. ,,ქალაქ ბათუმის №25 საჯაროსკოლა”აცხადებსსაჯაროაუქციონს
09 ივნისი, 2014 საქართველოს ეროვნული უნივერსიტეტი სეუ
11 აპრილი, 2014 სკოლა და პოლიტიკა
18 მარტი, 2014 სამართალ-უსამართლობა და განათლება
27 ივნისი, 2013 ახა­ლი მე­თო­დო­ლო­გია სა­ჯა­რო სკო­ლებ­ში
22 ივნისი, 2013 კავ­კა­სი­ის ტექ­ნო­ლო­გი­ე­ბის სკო­ლა
23 მაისი, 2013 კავ­კა­სი­ის ბიზ­ნე­სის სკო­ლა - ფარ­თო შე­საძ­ლებ­ლო­ბე­ბის სამ­ყა­რო